قصيدة للشاعر الكبير احمد محمد الصمبحي الحمري م , تحت عنوان " برع يا اللقاء المشترك خلوا سيفكم بالغماد *** بانت للملا اهدافكم  والنيات والاعتقاد " يتحدث فيها عن وضع اليمن بعد ما يسمى " ثورات الربيع العربي "الانقلاب على الشرعية الدستورية " وقد ابدع الشاعر "الصمبحي " في سرد ما يحدث في اليمن في سرد قصصي شعري دقيق ..

 قال الصمبحي بالبصر حققنـــا الامل والمراد  .... وقضينا على احلامكم بالمسرح وبالسندباد

عاد اليوم رمز اليمن رمـــز الحرية والجهاد  .... صمام الوطن والامان برع يا رمــوز الفساد

برع يا اللقاء المشترك خلوا سيفكـــم بالغماد   ....  بانت للمــــلا اهدافكم  والنيـات والاعـــتقاد

نيتكم بزرع الفتن والاهــــداف غادي وغاد   ....  مربوطه مع اقزام قم واقزام النجف والمهاد

باستهدافكم رمزنا بالمسجـــد رفعنا العنــــاد  .... من صفرين تحت المقص لا تسعين فوق الزناد

انتم ردتم المـــــوت له انتــــم يا دبــل ع ص .... والمولى اراد الحيـــاة مـــده بالسنين الجـــــداد

ما فادتكم العنتــــرة صالح من ربـح واستفاد .... والجمهور واقف معــــــه بالسبعين مثل الجراد

عطف خيمتك وانسحب غادر يا حليم الفؤاد .... ولا با يقـــع دقكم يحمــــد وارض ذات العمـــاد

طيروا طيروا شملكم عفنـــا حبكم والـــوداد .... ماشي للخوارج مكان في ديرت علي بو حمـاد

عدوا لرض اجــدادكم ياقوم المجوسي نجاد  .... من ايران جيتوا ولا ايران المرد والمــــــــعاد

وان ماشي وسع عندهم في طهران روحوا تشاد .... مثل الي مشــــوا قبلكم لا بومبي وحيدعباد

واسرائيل واعوانها بــــا يبنوا لكـــم في خداد  .... عند ابليس مستوطنه شامخ مثل نصبا كســاد

هذا هــــو مصير الخون نكلتوا بحال العبـــاد .... في خدمة رضى اسيادكم اشكرمن صربكم وباد

الجيش البطل دكم من قمة نقـــــم والســــواد  .... بالمدفع وبالـ " م ط " خلي جمــــــر ابوكم رماد

هز الارض من تحتكم متمادي مع قوم عـــاد .... الي خربوا كل شي عامـــــر في ربـــــوع البلاد

طهر ساحة الجامعة واحرق عفشكم والمخـاد .... خلاكم لمــن يعتبر عبره من رجب لا جمـــــــاد

والنائب ويحى معه والمصري مطهر رشـــاد .... كلن قـــام في واجبه حسب الجــــــهد والاعتماد

ماشي للتسامح مجال اصحوا من عميق الرقاد .... يا جهال ما تعرفوا قميــــة من تجمل وجــــــاد

قم يا مرسلي في عجل شل البدع وازمل وناد   .... العقال بأنحى اليمن يتـــــداعوا لربط الضــماد

قال للأخ ثابت عوض شف ماشي لبن من صياد ....وانته قلت فيها لبن هامخض لك من العنــكداد

والله ما معك بالخـــدور من دهنه ولا من زبـاد .... مهما قلت لي حصتك في سوق الفريضة بجاد

راجع صاحبك وانصحـــه لا يقطع سبيل المواد .... او يبطر بشعب اليمن المحروم من ماء وزاد

حاصرتوه في كل شي انته وابن عـــمك عماد  .... لكنا صــــبر وانما صبره قـــــد بدأ بالنفـــــاد

شفكم في طريق الغـــــوا بين الحالقة والعراد  .... تبكوا عند خف الجمل والمنيب نشب بالقــــراد

قادكم مره للهلاك اغــــارتكم بحاجب سعــــاد .... وصبحتوا بحكم المره مفروشين وسط الرصاد

يا عيباه اين الرجال هل نعلن عليهم حـــــداد  .... او قول ان هذه المره باعتهم بســــوق المـــــزاد

غشونا بطول اللحاء والحنـــا وحمل الصعاد .... وفتوا مثل فتوى " ابرهة "  بالكــعبه وطمم وزاد

باحوا كل ما حرموا بالماضي بفتوى مضــاد .... ناقـــــض ما صـــدر عنهم بالـــرده وبالارتـــداد

ما القايد علي محسن الاحمر وفقـــه للســــداد .... قائـــــد في نظـــــرنا كبير حتى للتـــزم بالحيــاد

هو من خاض سبعه حروب في صعده ودافع وذاد ما بنكر مناضل جسور له بصمات في كل واد

والرئيس بطبعه سمــوح الله ملهمه للرشـــــاد .... بالعفو اشتهر من زمان فارس فوق ظهر الجواد

لان العفــو يا صاحبي عند المقــــدره للجيـاد .... هو من عادكــــم لليمن وانتم من مـــدح به وشـاد

أبرغم اجراحه الدامية والفعــل الشينع استعاد .... يا ثابت عوض صحتـــه صحه كـــامله بازديــاد